شاط جي پي تي
شاط جي پي تي (ب نّݣليزية: ChatGPT) هوّا سيستيم ديال الدكاء لإصطناعي و شاطبوت طوّراتو شركة ؤبن إي أي و لونصاتو ف نونبر 2022.
هاد السيستيم مبني على جوج موضيلات كبار د اللوغة هوما جي پي تي 3 و جي پي تي 4.
شاط جي پي تي | ||
 | ||
| معلومات أساسية | ||
| نوع د لمؤسسة | نموذج لغة ضخم و بوت دردشة | |
| تاريخ د تّأسيس | 30 نونبر 2022 | |
| سّيت رّسمي | chat.openai.com | |
| معلومات إضافية | ||
| أعضاء/ڭزوات | ChatGPT Plus | |
| تسمّات على | شاط و محول توليدي ديجا مروض | |
 | ||
لإصدار ديال شاط جي پي تي تلقى هتيمام كبير من عند لإعلام و لجمهور، حيت فاش كيشاطي معاه بنادم عندو قدرة كبيرة باش يجاوب على أي سؤال تقريبا ف أي مجال ديال لمعرفة، و ب بزاف اللوغات. وخا داكشي تلقى نتيقادات حيت يقدر يدير أخطاء ؤلا يعطي إجابات غالطة بشكل كامل. لقيمة ديال شركة ؤپن إي أي مورا لإصدار ديال شاط جي پي تي تقدرات ب 29 مليار دولار ميريكاني. لڤيرسيون اللولة ديال شاط جي پي تي كانت مبازية على لموضيل جي پي تي 3.5 و كانت و مازالا مفتوحة ل عموم الناس فابور. ف 14 مارس 2023، صدرات ڤيرسيون جديدة منو لي مبازية على لموضيل جي پي تي 4، لي متفوقة بزاف على لموضيل جي پي تي 3. هاد لإصدار ماشي فابور و كيتطلب إشتراك شهري قيمتو 20 دولار.
الترويض
شاط جي پي تي مبازي على موضيل كبير د اللوغة من لفاميلة د لمحول التوليدي لمروّض ديجا Generative pre-trained transformer ؤلا ب ختيصار جي پي تي GPT لي صاوباتو ؤپن إي أي، و لي هوا موضيل د اللوغة مروّض ؤلا متريني على واحد لعدد مڭضّر بزاف ديال النصوص، بحيت كايولي قادر باش يجينيري نصوص لي كاتبان بحال يلا كاتبها بنادم.
عيون لكلام
 هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article شاط جي پي تي, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.